ولا انتوا شرايكم ؟!

من يومين رحت للسينما مع اختي وكان من أحداث الفيلم الأجنبي ان الابطال مصابين بمرض السرطان وابلغهم الدكتور انهم ما راح يعيشون أكثر من سنه ؟! وكان احد الأشخاص غني ونده ثروه فقرر انه يستمتع بآخر أيام حياته وأخذ معاه صديقه اللي تعرف عليه بالمستشفى وبالفعل استمتعوا وبعدها سلموا الأمانه ؟! بصراحه فيلم درامي على كوميديا شويه حزينه .... المهم مو هذا موضوعنا ، الموضوع انه وبنهاية الفيلم قالت اختي "شفتي شلون فلوسه ما فادته بشي مات وخله فلوسه وكل ثروته!" فرديت عليها وقلت لها ان اثنينهم مصابين بنفس المرض وعلى الاقل اللي عنده فلوس كان مستمتع بحياته اما اللي ما عنده فلوس فكانت حياته بؤس وشقاء .. يعني في فرق ؟! لا الفقر منع المرض ولا الغنى يمنعه لان هذا قضاء وقدر.

بصراحه انا وايد اسمع هالجمله تتكرر انه فلان فلوسه ما تفيده بشي لانه راح يموت ويترك كل شي أو بعباره ثانيه ان الفلوس ما تنفع صاحبها احنا ميتين ميتين ؟!؟

من وجهة نظري البحته الكلام هذا انا اعترض عليه لسبب ان احنا كلنا ميتين وهذا الشي ما فيه نقاش لكن اذا كان الواحد عنده جم فلس على الأقل يموت وهو مستمتع بحياته او على الاقل فلوسه تساعده في حياته ويحقق اللي يبي قبل مماته، وطبعا مو دايما الفلوس تكون ايجابيه لصاحبها لكن يكون لها جانب ايجابي أكيد.  انا ما اقول ان الفلوس هي كل شي بالدنيا لكن اقول الفلوس تساعد في أمور وايد بالدنيا وتسهل على البني آدم امور كثيره.

ولا انتوا شرايكم ؟!؟